Un épisode de l'Histoire des Igeldan n Tz'erwalt

[Outroudant]

J'ai trouvé un texte en Tacelh'it sur un épisode méconnu des rois du Taz'erwalt, le meurtre de Sidi Hachem (descendant de Sidi Hmad U Musa) vers 1830:

Ikkatin Sidi Hacem netta d U Meh'mud lligh gan imddukal, ur rad ten isengiri lgherd'. Ikka ar ya was ira a itahel U Meh'mud. Ird'el gh dar Sidi Hacem kra n iqqarid'n.
Ar ya was is'erf sers Sidi Hacem. Innas : "Ad iyi tazent lmal-inu hatin h'tajaght". Inna yas U Meh'mud: "Ad iyi tskert lajel arkigh tujadgh". Inker Sidi Hacem, innas: "Ara ayda-nu hatin h'tajaght".

Lfayda u wawal smmexsern awal ingratsn. Issufgh fellas Sidi Hacem ya uday. Iftu uday, ilkemn U Meh'mud. Innas: "Z'er ma d ak inna Sidi Hacem". Aylligh iz'ra U Meh'mud tabrat, id'erd, iggiwr. Tenna yad tmghart-ns: "Ad iyi tmelt ma k yaghn, ma k isendamn?". Inna yas: "Ajj awal, iggut". Inker U Meh'mud issufghd netta uday. Ikfas izebgan d tiz'erz'ayin.
Lfayda u wawal ifru yas ayda n Sidi Hacem.

Iggal u Meh'mud ur ih'anit ghir igh ifd'ah' gh Sidi Hacem. Si iyrn a ikka ar icta ghir tummit imelluln netta d yan umddakwl-ns. Kin ar ya was, ftun jerbn is z'darn ad ghwlin d umadel. Ayligh iktar ulmuggar n Tz'erwalt, ackin ad nghin Sid Hacem. Yal lmkh'elt-ns, ira ad yut Sidi Hacem. Isella i lfal, innas ghayan li trit ur ak ili ar azekka.

Lfayda u wawal, yurrid U Meh'mud, iggawr ar azekka, iftu s ulmuggar. Lh'asil yut Sidi Hacem, inghat gh tuz'z'umt u ulmuggar. Iffugh tamazirt-ns, irh'ald s Merrakc.

Iftu iwis n Sidi Hacem, inna yasn: "Yan inghan U Meh'mud, ad as fkgh s3a n ryal war lh'sab". Ftun aytmas willi d icerk lgherd'. Nnan-as: "Ad truh't. Hati nfukku d Sidi 3li U Hacem". Ar tid kwnadn ayligh tid iwin ar agharas, nghint. Nnan middn: "Lfayda n laman ur yad ili gh ush'ab, ula gwma n yan acku z'righ U Meh'mud nghant aytmas, lghdert agh immut ljid".

Ftun aytmas ar dar iwis n Sidi Hacem. Nnan-as: "U Meh'mud immut. ad agh tfkt lflus li didngh tskert". Inna ysn: "Ghwa iga gwmatun, nekki iga t'libinu".



[ Edité par Outroudant le 4/11/2005 20:38 ]

[Outroudant]

S ufella

[Nugelda]

man za igeldan n Tz'erwalt lli f tsawelt? mani gh tt-inn-kkan zedghen? Taz'erwalt nnit?

[Outroudant]

Igeldan-an n Tz'erwalt kantin zdeghn yadelli gh Iligh, tama n Zawit Sidi Hmad U Musa.
Gan tarwa n Sidi Hmad U Musa. Mac ghilad ur sul gin yat. Ar fellasn isawal El Mextar Susi, tufit ula ad tghert kra f igeldan-an gh idlisn n Paul Pascon d Mohamed Naji.

[ Edité par Outroudant le 7/11/2005 22:34 ]

[Outroudant]

S ufella, s ufella, s ufella