Contes & Recits

Uccen d tfullust

vendredi 27 mai 2005

Yucka-d yan wuccen amellazû gh tagant ar tama n yat taddagt gh tsummer yat tfullust, yini yas :

« Azul fellam a Ma ! ».

Terar as ed tfullust tenna yas :

Azul fellak ! » .

Yenna yas wuccen :

« Is tessent ma s iberrêh uberrâh gh tagant, yenna ma s ur sul izger ad itcc ugerzam izenkâd, izem ad su1 ur itcc udaden ; igider ad sul ur yegemmer iwtlan... Awal n ufella han tadimukrasit r-ad tili gh tagant, iwa ggwiz ed ! ».

Tafullust tera ad-d teggwiz macc teksûd... Inna yas wuccen :

Ggwiz ed a Ma ! Han azemz n tdiktaturit yedda ! Ggwiz ed ! ».

Sigh tanni tfullust sin ûskayen termen ed illi gh tella nettat d wuccen, tiri ad teggwiz.Uccen netta ayelli gh izêra ûskayen yera ad yerwel... Tenna yas tfullust :

« W ah a uccen ! Yak tennit ha ma s yenna uberrâh, ha ma s yenna ! ? » Yessken as ûskayen yenna yas : .. -« Id wacc ad muhâl is sellan i lebrîh ! »

Yuwi tt ed gher tirra : Ameksa

Répondre à cet article