Musique

Sidi Zwin [Amentag]

vendredi 27 mai 2005

Alli iàwn, islmk, injjik a i ak nwajb Alli iàwn a tadla n lhêbaqt an-d ikkan Wi iggi n Bit Llah lhâram, ur balant A yan utbir ijla gh ddunit lahâsn Ma d itmiqqir, ig amzwug i tgmmi ns As mqqar a yalla d umzwug n tgmmi ns Imma yan mu n idêr, a ur ittendm Iqqand igh dagh ikrz a immuggur d ssâbt Lqist a ixf inu ma mu kun tàawadegh Âh inu nqis tammara inu, kuyan izêra tins Âh inu gigh igigil, nga wahêdu i agh Ur nttâf baba, ura immi, ura adêjar inu Ura tagwmat, âh axuti way hayya ngh

Meqqar a nectta lluz, ura ttâjin d lxalês Igh ur illi baba, ura immi ttawhuwwalegh Âh yan igan igigil, ur iga ad sul ifgh Inna gh-n ka sawaln, nnanas amêz imi nk Meqqar akw gan lqadî ttuhêgarn dar miden Han akw babas, meqqar nit ittahl, miden irint Talli mu-d ur ikka tasa ns ka ithwwalen Ad ukan skkusen f imnsi nsn, jmàa asn Llah a flan a iwik ar iga aàdaw inu Igh yyi trit a tedît iwik, ijlun nnit Ukan yamêz as afus, idîti-d i tgmmi ns Ma ra g isn isaqsa kigh iffugh ijlun nnit Ikkiti tn asggwas ngh tzâ iyyirn Âh âh a mrad is tella mas, meqqar ingha rrûh Ur idrus ma f tezri tasa lligh d issutl A han mas yan a ithûbbun negr miden Imma lahl n babas is rad trêz agbal ns Hati "malik lmut", nttat af-d isawl A tiwi cbab, ura ccib d ugllid d làaml Amin a kun irhêm Rebbi a yan iggwizn ikalen Llah irhêmk a Sidi Hêmmu, bab umarg Ar ukan sul issalla u awal ns benadm Ajjat ngh a Sidi xir llah a tga luqt Âh wak wak ! izêdâ dagh umarg ul inu Ghika-n lli zêdânt terbatin azzar ngr u alen Âh wak wak ! izd ad agh allagh ard assallagh irumiyen Imma ahêbib ur ten thuwwalegh Irbba aflilli, izd istaran gh imawen Awi-d laxbar n tàyyalin is hennant Is a sul ghummant lhênna gh ighgummiten A Sidi Zwin, ccix n têlba, nghra i awen Inna gh ur tellam a têlba hati nebrraten Ad yyi g is hêrmen u aman, ura larzaq inu Awa urrid a imi inu bdu sawl A mad agh ihêllan ibra ttâlb A mad agh ihêllan nnikâh ibra ttâlb Ad ak ngher awa Mulay Brahim Busalm....

Reprise par Hassan Idbasaid

Répondre à cet article