Culture

Is iga tamatart n ufrak(conscience) ?

jeudi 6 décembre 2007

G imalass ad izrin, g tmdint n ugadir d mad d sis yakmurn,(proche) radio d mnnawt tmsmunin ktin d yan unazur(artiste)amqqran igan amarir(chanteur) lli tt inn ikkan da ismmussu urd ghas tamazirt n Sus, mac tamurt ngh akkw, iga t Muhmmad Albnsir lli yafudn zg 18 n usggwas aya. Zg usggwas llig hra immut ttunt t tmsmunin d imassn n umsawad ar ass ad, ikut max ? is nzmr ad nini iga aya nn tamatart n ufrak lli hra d ittlaln dar tarwa n imazighn ? nennurz(esperer)ad yili mk ann d uggwar.

Gigh yan g middn lli iwsnin g mnnaw immussutn ad,(activites) mmaghgh ad sslkmgh i ugdud(public) yat tghawsa da ttannaygh is tga tintti(essentielle) :ur nufi nkkni imazighn ad nili s tidt,(vraiment) igh ur llin inbdadn n tussna ngh,ukan inbdadn ad ur gin ghas timgharin d irgazn, mac gan anawn akkw n tussna zund idlisn, d umarg,d ighrman, d tmlsa d tiram…lli yadlli igan g tghrma ngh(civilisation).

Amukris n imazighn iga t lligh ngaran nghd sngaran tn d tghrma nsn d tussna nsn ;willi ur irin ad sul ilin imazighn, bikksn ad snghubun(exterminer) aylli akkw igan intti g tmagit nsn, (identite), dfarn mnnawt tgharasin :da zzimziyn(mepriser) atig n tutlayt(langue)tamazight lli igan iman(ame) n tghrma tamazight, tg yat g tutlayin ixatrn, tasi timktit(memoire)tamazight g tghzi n izmaz n umzruy nsn,da ttgdaln (interdir) xf tarwa n imazigh ad ttlmadn amzruy nsn(histoire)mac g tizi ann nit, ar asn sslmadn amzruy n iarabn d wiyyad lli nbdnin timizar n imazighn,da ttksn udmawn n tussna d tghrma tamazight ;da smmskaln(changer) ismawn nsn, ngh fllasn fissn, igh tn akkw bdrn da tn addrn d kra n gar askkirlli disn zdin, tasrtit ad(politique)tfka tayafutin(resultas)hrcnin i tawa ngh ; da ttrwaln g tmagit nsn nttni, amzn g tin wiyyad, ssihlnt tn tlghiwin(causes) n tmizar lli nn fllasn aggugnin uggar mad tn ssihlnt tlghiwin n tmura nsn, da ttmmtatn, da akkw ttbaqqayn,(s’exploser) da ttngadn(se noyer) g ilaln(mers) xf tayri n aylli ghaln imqqur g walln nsn. ilmma igh d aghuln tarwa ngh ar ssitign(estimer) inmghurn nsn, hati ikut aya nn rad ig assnti(debut) n yan ufrak izmr ad agh ijjnjm

Agadir ass n 04-12-2007

Mohamed Akunad

Source : http://www.akunad.com

Répondre à cet article