Contes & Recits

Ilki d telkit d iwt

vendredi 27 mai 2005

Ffughen ddan ad awin tiskwrine. Wurrind s tgmmi, skern gh ugayu n yat tagdurt, skern gh ugayu n yat tasksut. Bbin tiskwrine d ixsan gin tent in. Tddu tilkit d urgaz ns ad isggeln I iwT, nnan as : “han a n ur tagwt agdur !”. Ffughen, yaggwin iwT gh ugdur, iDern gis immt...Tkcem d tilkit tafi d iwis immut, tffagh ar talla gh imi n tgmmi

Tzrit tgaywart, tsaqsa tt : “ma kem yaghen a udem ur istahllane amTTa ?” Tini as tilkit : “lbaDl adelki, walkccitt a issallan aghbu n zman”

Tddu tgaywart s tazrt ar fellas talla. Tsqsa tt tazart : “ma kem yaghen a lghrabya n taf ?” Tini as tgaywart : “ lghrabya n taf, lbaDl adelki, walkccitt a issallan aghbu n zman...”

Yaddum kullu waddag n tazart f làin Isaqsa t làin : « ma kem yaghen a kermusat n sas ?” Tini as : « kermusat n sas, lghrabya n taf, lbaDl adelki, walkccitt a issallan aghbu n zman »

Iqqar làin ackin d snat tramin ad sunt affin d làin iddur saqsant t : « ma k yaghen a làin illigh tqqurt ? » Inna asent : « làin iqqur, kermusat n sas, lghrabya n taf, lbaDl adelki, walkccitt a issallan aghbu n zman »

Maghent tramine ay lligh kullu ngaccafent ackin d tàiyaline a n aguwment affint d tiramin, saqsant tent : « ma kunt yaghen a rmayt lmcaggayt ? » Nnant asent : « mayt lmcaggayt, làin iqqur, kermusat n sas, lghrabya n taf, lbaDl adelki, walkccitt a issallan aghbu n zman »

Maghent tàiyalin, bbint kullu iddiden. Zrint f yat temghart icghulen, tsaqsa tent : « ma kunt yaghen a làyalat masgayt ? » Nnant as : « làyalat masgayt, rmayt lmcaggayt, làin iqqur, kermusat n sas, lghrabya n taf, lbaDl adelki, walkccitt a issallan aghbu n zman »

Tasi d taccfit tHcu tt gh TiT ns. Izri d fellas ya urgaz isaqsa tt : « wa lammant àawra ? » Tnna as : « wa lammant àawra, làyalat masgayt, rmayt lmcaggayt, làin iqqur, kermusat n sas, lghrabya n taf, lbaDl adelki, walkccitt a issallan aghbu n zman »

Iàerc urgaz lli f uddukku ns. Tackin temghart ns, tawi asen tagwlla, tsaqsa t : « wa lammant kuwza ? » Inna as : « wa lammant kuwza, wa lammant àawra, làyalat masgayt, rmayt lmcaggayt, làin iqqur, kermusat n sas, lghrabya n taf, lbaDl adelki, walkccitt a issallan aghbu n zman »

TbelD tagwlla i udem ns. Imiqqir tt ya urgaz, isaqsa tt : « wa lammant belDa ? » Tini as : « wa lammant belDa, wa lammant kuwza, wa lammant àawra, làyalat masgayt, rmayt lmcaggayt, làin iqqur, kermusat n sas, lghrabya n taf, lbaDl adelki, walkccitt a issallan aghbu n zman »...

Par Illisntmazirt