Musique

wanna ifeln arraw nes ighab i tgemmi nes meqqar ibna lqSur igh ifel tagwmat nes tuf as lmut tudert meqqar idder immut salam dagh u àalaykum a jenb n iniren a tilli bDanin azzar d lucam ger wallen ikut igh yusi yan lbaruD ar gummern ikut is rad dafin ya utbir ijla i as man adrar ur nekki nestara izagharen ssermigh kullu Telba ; nssermi igurramen ssermigh Zziyyarat neggammi a dagh-d lkemen ingha angh lhemm nes ifel yyi-d abla SSâHt ddugh ar ya lxla gh ur illi ya ubalis ula yan umexluq a Rebbi nu bla kiyyin ar allagh aylligh ar nessalla ijarifen ula laTyar ar allan gh wi ssa igenwan nmmigir yan ccaàir iga bab n umarg inna yagh mel yyi ma k issallan izd lmut neghd ayda nnun ad ak ikkis ibalisen

nsawel s lxelq lli nkki is as-d nnigh lHubb ad agh imelkn tasa Hergn ul inw yan utbir ibbi fella laxBar nes ur nessin is isul neghd is igwz ikalen igh as-n tlit asafar bbigh ak-d ul inw bbigh ak-d afus ula aDar ngh nhdu i ak t allah ukbar zzin ur iga at itZi yan ur igi abla ad as akkan lluz igh-d nkeren aH a TsDss n kra tusi yyi tawda nnun ar iggi ujarif ad akw akwigh a neg aman tjja lmut igh nmmut f yan irDa wul aH a yan igan amaDun s tizza i iburiyen aH a yan gh illa waTTan ur ittiydawan igh ittut s lmaHabba n zzin ayhayya nes

imma laxBar inu ma mmu raten-d bayengh allah ukbar a xuti ma f neffagh darnegh ur usigh rruH ura cettagh ayda n midden ura ttakurgh i yan a Rebbi ma f za nuHel anewwac d umHsad a xuti tabàan agh aylligh sul ur nssin mani igan dar-negh ur ak nesmiH a walli fellati ibennun awal n làar aylligh nghab i tgemmi negh nfel laHbab inu ghwilli-d ad jemàagh nfel tagwmat inu nasi luTar juwwelgh

yan iswan aman n Tznit ur-d urrin ighwli s udrar n Wammelen ad iZer ndamat Tafrawt agh llan igwilalen d lucam ili urtan, ilin ijddign bla luqt ay Ammelen as mmuddigh, miggirgh aZunkD yut agh s rric n Tit, azzar idra yas ghin agh-d iwigh aTTan i tasa tgellint aH a yan d ur ikkin Amesnaf a iZer TTaws ur illi bla xemsa TTaj gh wi ssa igenwan ukan nek-d Anamer zund lHijj, nekd Ighalene AgerD uDad ur illi wanaw lbenya nes Rebbi yumer agh add nZer midden lli àdelnin ass lli-d Zurgh Mulay lHajj nek-d Ammelen ad iwigh tiwungimin gh tasa d wul inw s umarg n ghwilli yyi gis isberraken tjja lmut, staragh lmudun juwwelgh

kkigh lbHur, staragh igenwan d ikalen a yimmi new, a yimmi nww, a yimmi new, jligh am mkad ijla wanaw (inou) igh ur ixalD rrays iDer gh lbHur (d) tillas taDDangiwin a yimmi new, a yimmi nw, ma tta ghid gh lligh tuZZumt n SeHra n Rbbi ay ad gh lligh ur illi rrbià ula aman ula llan gis nt ma ggim righ a SeHra, mad rjigh giwent yan ifkan aDar i SSHra Llah ihenni kun ad-d ikk Làyun isli-d Ccerg igh-d urrin asif n Draà yusi-d ikurayen d waman yusi-d isulilen yawi-d targinin aH a yan ur icaTTern at-n yawi igllin immiggir d iselman at-n ccin ayhayya nes meqqar iddàa yan is a itàum ard remin ittemma làum gh wasif igh idda ar-d iàemmer.

Par bougayou-iwizi-illis

Raiss Hmad Bizmawen